909 Бардыгы /

БИШКЕК. Президент Садыр Жапаров мамлекет башчысынын тактысына отура электе шайлоонун жүрүшүндө эли-журтубузга: “Электр энергиясынын тарифин 77 тыйын боюнча калтырам, 700 КВттык чектөөнү алып салам!” – деген. Буга баарыбыз тең күбөбүз. Тилекке каршы, ал убадасына турган жок, Анткени реалдуу жашоо өзүнүн нугуна буруп таштады. Бул туурасында Жогорку Кеңештин мурунку депутаты Жылдыз Жолдошева ачыктады.

• Мен “Электр энергиясынын тарифин 1 сомдон керек болсо 1 КВт=1

сом болушу да, биздин жарандар үчүн өтө кымбат!” – деп 2010-жылдан бери какшап келатам. Себеби элибиздин бүгүнкү жашоо-шарты биз каалагандай эмес… Жашоо абдан эле оорлошуп кетти. Энергетиктер айтышат: “Коңшу өлкөрдө электр энергиясынын баасы кымбат!”. Туура, кымбат…бирок аларда алтернативдүү отун (топлива) бар. Көмүр жана газ арзан. А биздечи? Керек болсо өзүбүздөн чыккан көмүрүбүз дагы иттей кымбат! 1 долларга саткан газды айтпай эле коёюн. Ошондуктан алар менен биздеги абалды эч салыштырбагыла, урматтуу энергетиктер! Бийлик элдин жонунан кайыш тилип, анысы аз келгенсип тилинген жерине туздан сээп, андан соң тарифти көтөрбөгүлө?!? Таң калыштуу нерсе, энергетиктер айтып жатышат: “Жарандарыбыз, телефонуна акча салып жатпайбы?”- дешет. Кедей жашаган элибизге, билесиңерби кандай жардам берип жатат, ошол телефон? 1000 чакырым аралыктагы маселени, илгери телефон жок мезгилде жол кире коротуп, келип жүрсөң, азыр жөн эле таанышыңа айтсаң, телефондон эле ошол маселе бүтүп калат. Элдин телефону силердикиндей миңдеген долларлык эмес! Дагы биздин жарандар, ошол “Китайский” телефону менен мигрант балдары менен сүйлөшүшөт… Айтайын дегеним, Садыр Нургожоевич, эркиңизди бир муштумга түйүп, Ширшов түзүп кеткен схеманы түп тамыры менен жок кылып, Ширшовдун схемасы менен иштеген энергетиктерди энерго системасынан кууп чыгып, жоготууну (потеряны) азайтып, келген гранттарды изилдеп, азыр “кустуруу” операциясын жакшы өздөштүрүп алдыңар! Анда эми энергетиктерди дагы жөн койбостон “кустургула!”. Бирок элди кыйнабагыла жана кыжырына тийбегиле?!? – деп тызылдады коомдук ишмер Жылдыз Жолдошева.

          Биргездеги санаалашы – азыркы Президент Садыр Жапаровдун эркиндикке бошотулушуна  эбешгейиз салым кошкон Жылдыз Жолдошеваны бүгүнкү мамлекет жетекчибиз деги угаар бекен? Чекесинен мыйзамсыз байышкан энергетиктерди дагы “кустуруп”, бул аркылуу мамлекет казынасын байыта алабы? Аман турсак, муну дагы көрө жатаарбыз?

Алишер ТОКСОНБАЕВ, өз кабарчы