792 Бардыгы /

БИШКЕК. Июнь айынын соңуна дейре күйүүчү-майлоочу материалдардын наркы азыркыдан дагы 1,5 – 2 пайызга жогорулашы толук ыктымал! Бул жөнүндө Нефтетрейдерлер ассоциациясынын аткаруучу директору Канат Эшатов ачыктады.

Айтмакчы, Канат Эшатов буга дейре азыркы июнь айынын башында уюм күйүүчү майдын баасы төрт пайызга кымбаттай тургандыгын дагы элге эскерткендигин баса белгиледи.

       -Ошентип июнь айында кымбаттоо эки гана пайызды түздү. Ал эми ушул айдын соңуна дейре баалардын жогорулашы дагы 1,5-2 пайызды чапчыйт! – деп кошумчалады Нефтетрейдерлер ассоциациясынын аткаруучу директору Канат Эшатов.

       Буга улай Канат Эшатов Орусиянын мунайды кайра иштетүүчү заводдору айдын ортосунда баалардын жогорулаткандыгын дагы кошумчалады. Анын айтымында, жыл башынан бери Орусиянын мунайды кайра иштетүүчү заводдору күйүүчү майдын баасын тоннасына 300 доллардан 600 долларга чейин көтөрдү. Ошондуктан, Ушул тапта Кыргызстанда мунай тартыштыгы жок экендигин ачык моюндады.

Алишер ТОКСОНБАЕВ, өз кабарчы