1,038 Бардыгы /

ОШ. Ош шаарында маңзаттарды мыйзамсыз сакташкан жана соодалап дагы жүрүшкөндөр акыры кармалышты. Бул жөнүндө Ош облустук ички иштер башкармалыгынан билдиришти.

Маалыматка таянсак, Ош облустук Криминалдык милиция кызматынын жана Кара-Суу райондук милициясынын маңзаттарды мыйзамсыз жүгүртүүгө каршы күрөшүү кызматынын кызматкерлери тарабынан ыкчам-маалыматтын негизинде Ош шаарынын жана Кара-Суу районунун аймагында мыйзамсыз маңзатын сактап жана соодалап жүрүшкөн  Ош шаарынын тургундары – 25 жаштагы А. уулу А.нын жанынан салмагы эки граммды түзгөн кара-күрөң түстөгү өзгөчө жыты бар зат алынган жана 26 жаштагы А.Т. аттуу жарандын жерге таштап койгон буюмдарын кароо маалында дагы салмагы 36 граммды түзгөн кара-күрөн түстөгү өзгөчө жыты бар зат алынды.

Аталган фактынын негизинде Кыргыз Республикасынын Жазык Кодексинин 267-беренесинин (Маңзат каражаттарын, психотроптук заттарды жана алардын аналогдорун өткөрүү максатында мыйзамсыз даярдоо) 1-бөлүмү менен каралган жазык иштин курамы бар болгондуктан 2021-жылдын 25-июнь кунү кылмыштардын жана жоруктардын бирдиктүү реестрине катталып, сотко чейинки өндүрүш иши башталган. Бул боюнча ар тараптуу толук, мыйзам чегинде чечим кабыл алуу үчүн жана алынган кара, күрөң түстөгү өзгөчө жыты бар заттын маңзат каражаттарынын кайсы түрүнө кире тургандыгын аныктоо максатында соттук-химиялык экспертиза дагы дайындалды.

Баса, шектүүлөрдүн бири А.Т. аттуу жаран азырынча кармалып, Кара-Суу РИИБсынын убактылуу кармоочу жайына киргизилип, тергөө амалдары абдан кызуу улантылууда.

Алишер ТОКСОНБАЕВ, өз кабарчы