1,170 Бардыгы /

ЖАЛАЛ-АБАД. Жалал-Абад облусундагы Ала-Бука районунун сел жүрүү коркунучунда турган жол алдын ала бекемделди.

Кыргыз Өкмөтүнүн Жалал-Абад облусундагы өкүлчүлүгүнөн кабарлашкандай, Ала-Бука районундагыӨрүктү Айылдык Өкмөтүнүн Кең-Кол айылы – Чаткал району жана Жалал-Абад облусу менен байланыштыруучу негизги аймак. Буга дейре аталган айылда дайыма сел жүрүп, көпүрө жана жолго тынымсыз коркунуч жаратып турган. Ошондуктан, аймактагы селдин кесепеттерин алдын алууда ДЭУ-17 ишканасынын жана райондук өзгөчө кырдаалдар бөлүмүнүн кызматкерлери тыкыр иш алып барышууда. Бул иш-аракеттердин жүрүшүн акыркы сааттарда Ала-Бука районунунакими Нурбек Сатаров жеринде көрүп, тийиштүү кызматтарга бир катар тапшырмаларды дагы берди.

Сапарынын соңунда Ала-Бука районунун акими Нурбек Сатаров буга чейин селдин кесепетинен жаралган ар кандай ыңгайсыздыктарды чукул арада жоюу керектигин баса белгилеп, бул иштин жүрүшү анын такай көзөмөлүндө болоорун дагы катуу эскертти.

          Алишер ТОКСОНБАЕВ, өз кабарчы