3,132 Бардыгы /

БАТКЕН. Баткен мамлекеттик университети кошумча 40 бюджеттик орун ажыратып, акыркы чек ара жаңжалынан жапа чегишкен айылдардын абитуриенттери үчүн босого баллды кыйла эле төмөндөтүштү. Бул жөнүндө Билим берүү жана илим министринин орун басары Нурлан Өмүров ачыктады.

-Мындай чаралар ушул жылдын апрелинин аягында Лейлек жана Баткен аймактарында орун алган Кыргыз-Тажик чек арасындагы жаңжалга байланыштуу кабыл алынды. Билим берүүнүн бюджеттик формасы боюнча босого упай баткендик абитуриенттер үчүн 110 баллдан 100гө, келишимдик негизде 95 баллга төмөндөтүлдү”, – деп кошумчалады Билим берүү жана илим министринин орун басары Нурлан Өмүров.

          Министрдин орун басары ошондой эле Бишкек шаарынын ЖОЖдоруна кабыл алуу шарттары дагыле стандарттуу бойдон калгандыгын баса белгиледи. Баса, Кыргыз-Тажик чек арасындагы акыркы окуяларда 189 Кыргыз жараны жараланып, дагы 36 адам каза тапты. Жаңжал чыккан аймактан 40 миңден ашуун адам кырдаалга жараша эвакуацияланды.

Алишер ТОКСОНБАЕВ, өз кабарчы