876 Бардыгы /

ЖАЛАЛ-АБАД. Жалал-Абад шаарында ушул жылдын 1-июлунан тарта эл көп топтолуучу жайлар, ири соода борборлору, базарлар, парктар, коомдук тамактануучу жайлар текшерилип, санитардык нормалардын сакталуусу көзөмөлгө алынат.

Жалал-АбадОИИБдин басма сөз кызматынын маалыматына ылайык,

Жалал-Абад ОИИБдин имаратында эпидемиологиялык чектөөлөргө байланыштуу кызматкерлер кайгулдоо багыттарына бөлүнүштү. Жалал-Абад ШИИБдин, Жалал-Абад ОИИБдин кайгуул күзөт кызматынын, «Шумкар» АБПнын Жалал-Абад шаарындагы өзүнчө ротасынын кызматкерлери күндүзгү жана түнкү багыттар боюнча кызмат өтөшөт. Анда эл көп топтолуучу жайлар, ири соода борборлору, базарлар, парктар, коомдук тамактануучу жайлар текшерилип, санитардык нормалардын сакталуусу көзөмөлгө алынат.

Ошондой эле түнкү убакыттарда жергиликтүү бийлик өкүлдөрү менен биргеликте кафе-ресторандарга, тойканаларга, түнкү оюн-зоок клубдарына коюлган чектөөлөр боюнча рейдер уюштурулат.

Белгилей кетсек, Жалал-Абад шаардык ыкчам штабдын жыйынында айтылгандай эпидемиологиялык кырдаалга байланыштуу 1-июлдан тарта тойканалар белгисиз мөөнөткө ишмердүүлүгүн токтотот, ал эми коомдук тамактануучу жайлар орундуктарын 50%га кыскартуу менен таңкы саат 8:00дөн, кечки саат 22:00гө чейин иштейт.