Аймак

ОШ ШААРЫНЫН БАЗАРЛАРЫНДА КОРОНАВИРУСКА КАРШЫ ЭМДӨӨ УЮШТУРУЛАТ

ОШ ШААРЫНЫН БАЗАРЛАРЫНДА КОРОНАВИРУСКА КАРШЫ ЭМДӨӨ УЮШТУРУЛАТ

 1,056 Бардыгы /

ОШ. Кыргызстандын Түштүк башкалаасынын вице-мэри Эмил Шадыханов дары-дармекке болгон бааны туруктуу көзөмөлдөөнү тийиштүү органдарга катуу табыштады. Ал  дары-дармектин запасы кур дегенде эки айга жеткидей болушу зарылдыгын эскертти.

-Ош шаарынын бардык базарларында коронавируска каршы эмдөө мындан ары ырааттуу жүргүзүлөт. Анткени, жакын арада коронавируска каршы вакцинанын 110 миң дозасы келет. Ошондуктан, калк арасында эмдөө боюнча түшүндүрүү иштерин тапкай жүргүзүү абзел! Анын үстүнө Кыргызстанда эмдөө акысыз. Баардык кичи базарларда атайын бекеттер ачылат. Ал жактан каалоочулар вакцина ала алышат. Тиешелүү органдардын жетекчилерине бул боюнча тапшырма дагы берилди, – деди Ош шаарынын вице-мэри Эмил Шадыханов.

          Ушул тапта Ош шаарында мобилдик топтор күчөтүлгөн тартипте иштешип, коомдук тамактануучу жайларга кардардын санын азыраак киргизүү боюнча жаңы эрежелер коюлду. Мындан тышкары ири компаниялардын жетекчилигине кызматкерлеринин тобокел тобуна киргендерин аралыктан иштөөгө жиберүү сунушталгандыгы айтылды.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17