2,073 Бардыгы /

БИШКЕК. Бишкек шаарынын айрым райондорунда сызылып чыккан газды токтотуу үчүн жаратылыш газы өчүрүлөт. Бул тууралуу «Газпром Кыргызстан» компаниясынын маалымат кызматы билдирди.

«Газпром Кыргызстан» компаниясы Бишкек шаарынын Проскурякова көчөсүндө жайгашкан 1971-жылы ишке берилген орто басымдагы газ өткөргүчтө газдын сызылып чыгуусун токтотуу иштерине байланыштуу, 6-июлдан 9-июлга чейин жаратылыш газын берүүнү убактылуу токтотоорун маалымдайт.

Жумуштарды коопсуз жүргүзүү максатында орто басымдагы газ өткөргүчтөр өчүрүлмөкчү.

Жаратылыш газы өчүрүлө турган аймак: Аламүдүн айылы, Чугуева, ЧКК, Чернышевский, Аламүдүн дарыясынын кесилишкен аймагы; «Куликовский» кондитердик үйү.

«Газпром Кыргызстан» компаниясы түзүлгөн ыңгайсыздыктар үчүн кечирим сурайт. Биз жаратылыш газын колдонууда коопсуз, ыңгайлуу жана жеткиликтүү болушун каалайбыз.