3 Бардыгы /

Канатбек Чыныбаев мындан ары Өзгөчө кырдаалдар министрлигин жетектейт. Анткени, мурунку министр Урматбек Шамырканов президенттин басма сөз катчысы Аскат Алагөзовдун айтымында, ушул тапта пара алууга шектелип,  сурак берип жаткан чагы.

Аскат Алагөзов тараткан маалыматка караганда, мурунку Өзгөчө кырдаалдар министри Урматбек Шамыркановдун кызматынан бошотулушунун негизги жүйөөсү – ал министирдин орун басары кезинде пара  алган деп шектелип жатат. Анткени, Урматбек Шамырканов аталган министрликтин бөлүм кызматкеринен мансабынан жогорулатуу максатында 2005-жылдын жай айларында  ири өлчөмдө пара талап кылган. Ошондуктан, даттанган кызматкер айтылган сумманын жарымын ошогездеги Өзгөчө кырдаалдар министринин орун басары Урматбек Шамыркановдун Электрондук капчыгына которгон. Тилекке каршы. Шамырканов министр болуп дайындалганда, айтылган акчанын жарымын бере албастыгын айткан. Ошол себептүү аны – даттануучуну Шамырканов Өзгөчө кырдаалдар министрлигин Баткендеги бөлүмүнө которуп таштаган.

Ошентип, Баткенге аргасыздан айдалган кызматкер айласы таптакыр куругунда Президент Садыр Жапаровго түз даттанган. Ошол себептүү өлкө башчысы арызды ар тараптуу териштирүүнү Башкы Прокуратурага табыштаган. Жогорку көзөмөл органы арызда айтылгандардын толук бойдон тастыкталгандыгын маалымдады. Ушуга байланыштуу президент Садыр Жапаров Урматбек Шамыркановду Өзгөчө кырдаалдар министри кызматынан дароо бошоткон.

Өзгөчө кырдаалдардын жаңы министри Канатбек ЧЫНЫБАЕВ 43 жашта. Исхак Раззаков атындагы Кыргыз техникалык университетин жана Орусиянын жарандык коргонуу Академиясын аяктаган. 2006-2022-жылдарда Өзгөчө кырдаалдар министрлигинин ар түрдүү бөлүктөрүндө кызмат өтөгөн. 2025-жылдын 12-июлунан тартып Президенттин Администрациясынын Өзгөчө жагдайлар борборунда кызмат өтөгөн. Ошол эле учурда Кыргыз Республикасынын Куралды Күчтөрүнүн резервинде турган. 2026-жылдын 26-февралында Өзгөчө кырдаалдар министринин орун басарлыгына дайындалган.

Алишер ТОКСОНБАЕВ, өз кабарчы