1,284 Бардыгы /

ОШ. Алай районунда маркумдун күйөөсү автоунаанын рулун таптакыр башкара албагандыктан, ал катуу барып жолдун оң тарабындагы бетон тосмону сүзүп токтогон. Ал эми кырсыктан жапа чеккен аял ооруканага жетпей каза тапты.

Ош облусу боюнча жол кыймылынын коопсуздугун камсыздоо бөлүмүнүн маалыматына караганда,  автокырсык кечээ саат 15:00дөр чамасында Ош — Эркечтам унаа жолунун 177-чакырымында, тактап айтканда, Талдык ашуусунда жүз берген. Өзгөн районунун 59 жаштагы тургуну Т.З. Mersedes-Benz үлгүсүндөгү унаасы менен бара жатып рулун башкара албай жолдун оң тарабындагы бетон тосмону сүзүп, андан соң машинасы аласалып кеткен.

Кырсыктын кесепетинен айдоочунун 58 жаштагы жубайы М.Х. ооруканага жетпей каза тапты. Ал эми бир жаштагы небереси ооруканада жатат.Ушул тапта бул кырсыктын себеби тыкыр иликтенүүдө.