984 Бардыгы /

ТҮРКИЯ. Кыргызстандын Түркиядагы элчиси Кубанычбек Өмүралиев Түркиядагы жаш ишкерлер ассоциациясынын (TUGIAD) төрайымы Нилүфер Чевикел менен жолугушту. Кездешүүнүн жүрүшүндө тараптар эки өлкөнүн ишкер чөйрөлөрүнүн ортосундагы соода-экономикалык байланыштарды мындан ары чыңдоо жана TUGIAD’дын Кыргыз өлкөсүндөгү долбоорлорун жөзөгө ашыруу боюнча пландары талкууланды.

• Түркиядагы жаш ишкерлер ассоциациясынын (TUGIAD) төрайымы

Нилүфер Чевикел Кыргыз өлкөсүнө болгон иш сапары жөнүндө жана башка долбоорлордун катарында TUGIAD ТИКА жана биздин өлкөбүздөгү Түрк ишкерлери менен биргеликте жакын арада Баткен облусунда стадион куруу долбоорун жүзөгө ашыра турганын ачыктады, – деп сүйүнчүлөдү Кыргызстандын Түркиядагы элчиси Кубанычбек Өмүралиев.

Буга улай Кыргыз элчиси Кубанычбек Өмүралиев Кыргыз өлкөсүнүн инвестициялык потенциалы жөнүндө дагы кененирээк маалымат берди. Ошондой эле Кыргыз өлкөсүндө өндүрүлгөн товарларды ЕАЭБдин 180 миллион кишилик базарына, ошондой эле ЖПС+ жана ЖПС программаларынын алкагында Европа Биримдигине 6200 жана АКШга 3200 товардын түрлөрүн бажы төлөмдөрсүз экспорттоо мүмкүнчүлүгү бар экендигине өзгөчө көңүл бурду. Мындан тышкары биздин мамлекетте салыктар жана бизнес жүргүзүү чыгымдары төмөн экендигин дагы баса белгиледи.

Жолугшуу соңунда Түркиядагы жаш ишкерлер ассоциациясынын (TUGIAD) төрайымы Нилүфер Чевикел TUGIAD мүчөлөрү Кыргыз өлкөсүнүн текстиль, энергетика, кайра иштетүү өнөр жайы жана спорт тармактарына инвестициялоого кызыкдар экендигин жашыргшан жок. Кыргыз Элчи Кубанычбек Өмүралиев банк тармагына жана айыл чарбага инвестициялоону сунуш этти. Ошол эле учурда Кыргыз өлкөсүндө башынан ачык жана айкын, мыйзам чегинде иштеген Түрк ишкерлери жыйырма жылдан ашуун убакыттан бери биздин мамлекетте иштеп келгендигине маектешинин өзгөчө көңүлүн бурду.