1,455 Бардыгы /

ЖАЛАЛ-АБАД. Миссури университетинин студенттери, профессорлору жана кызматкерлери “Борбордук Азиядагы саясат жана коом” деп аталган чет өлкөдөгү атайын окуу Программасынын жүрүшүндө Эл аралык Программалар боюнча вице-проректор доктор Мэри Стегмайер жетектеген университеттин өкүлдөрү Жалал-Абад шаарындагы Токтомаматов атындагы Эл аралык университети менен кызматташуу келишимине кол коюшту.

          Бул макулдашуунун эң башкы максаты – эки окуу жайынын ортосундагы кызматташтыкка болгон өз ара кызыкчылыктын көрсөткүчү катары үлгү болуу. Тактап айтканда, келишим окутуучуларды биргелешкен окутуу Программалар боюнча, ошондой эле студенттер менен окутуучуларды алмашуу Программалары жаатында тыгыз кызматташууга үндөөнү гана ичине камтыйт. Бул Миссури университети менен Кыргыз университетинин ортосундагы экинчи келишим, биринчиси жаздын башында Жалал-Абад мамлекеттик университети (ЖАМУ) менен түзүлгөн. Токтомаматов атындагы Эл аралык университет өз сайтында америкалык кесиптештерине кызматташуу жөнүндө биргелешкен келишимге кол койгону үчүн жана “АКШ менен Кыргызстандын ортосундагы реалдуулук, кызматташтыктын келечеги” деген темада талкууга катышкандыгын үчүн дагы терең ыраазычылыгын билдирди.

Миссури штатындагы 15 университеттин профессордук-окутуучулук курамы, кызматкерлери жана студенттери Жалал-Абаддагы иш-аракеттеринен тышкары Кыргызстандын башка жерлерине, Бишкекке, Ошко жана Ысык-Көлгө дагы чабытташып, эң  алдыңкы окумуштуулар менен лекцияларга катышып, Ош облусундагы атактуу Өзгөн мунарасы жана Бурана мунарасы сымал маданий-тарыхый жайларга дагы саякатташты.

• Бул Программа студенттерге жана аспиранттарга Кыргызстандын бай

маданиятын таанытуу жана өлкө менен аймак беттешип келген саясий, ошондой эле  экономикалык кыйынчылыктар жөнүндө билүү мүмкүнчүлүгүн сунуштайт. Тышкы иштер же эл аралык өнүгүү жаатында иштөөнү пландап жаткан студенттер үчүн Кыргызстанда окуу аларды эл аралык карьера үчүн атаандашкан башка студенттерден айырмалап турат, – деди Эл аралык Программалар боюнча вице-проректор доктор Мэри Стегмайер.

Ал эми Трумэн мамлекеттик жана коомдук мамилелер мектебинин аспиранты Линдал Самбрук буларды кошумчалады: – Миссури университети аркылуу Кыргызстан чет өлкөдө окуу Программасы аркылуу укмуштуудай тажрыйбага ээ болот. Мен бул ажайып өлкөнүн маданияты, эли жана саясаты жөнүндө ушунчалык көп нерсени – бул жакка мурун турист болуп келгениме караганда көбүрөөк билип олтурам.

Ошентип, атактуу Миссури Университетинин чет өлкөдө окуу Пограммасынын кийинки сапары Кыргыз Республикасына 2022-жылдын май-июнуна пландаштырылды.

Алишер ТОКСОНБАЕВ, өз кабарчы