849 Бардыгы /

ОШ. Өзбек Республикасынын жарандарынын Кыргыз-Өзбек чек арасында мыйзамсыз текшерүүгө жана чек арачылардын опузасына кабылып жатабыз деген билдирүүлөрү чындыкка дал келбейт. Бул жөнүндө Улуттук коопсуздук комитетинин (УКМКнын) Мамлекеттик Чек ара кызматы ачыктады.

Расмий маалыматка караганда, социалдык тармактарда таратылып жаткан кайрылуулардын негизинде тиешелүү атайын текшерүү жүргүзүлүп, мунун жыйынтыгында айтылгандар эч тастыкталган эмес.УКМКга караштуу Мамлекеттик Чек ара кызматы 2021-жылдын июнь айындагы буйрукка ылайык, кыргызстандык жана чет өлкөлүк жарандар чек арадан өтүүдө санитардык-карантиндик посттордун кызматкерлерине ПЧР-тесттин терс жыйынтыгын, же COVID-19га каршы эмдөө сертификатын сөзсүз көрсөтүшү зарылдыгын кошумчалады.

Ошол эле учурда акыркы мезгилде жасалма маалымкат менен чек арадан ары-бери өтүү аракеттери көбөйгөндүгү айтылат. Буга дейре Өзбек жарандары чек арадан өтүүдө негизсиз текшерүү көп болуп жатат деген нааразылыктарын билдиришкен эле.

Алишер ТОКСОНБАЕВ, өз кабарчы