1,212 Бардыгы /

ЖАЛАЛ-АБАД. Чаткал районунун милициясы үй-бүлөлүк зордук-зомбулукка каршы күрөшүүнү абдан күчөттү. Бул туурасында Жалал-Абад облустук ички иштер башкармалыгынан тастыкташты.

Ошентип, алыскы Чаткал районунун аймагында үй-бүлөлүк зордук-зомбулуктун жана жашы жете электердин сууга чөгүүсүнүн алдын алуу максатында райондун акиминин социалдык маселелер боюнча орун басары, райондук социалдык өнүктүрүү башкармалыгынын жетекчиси, Айыл Өкмөттөр, айыл башчылары, аксакалдар сотторунун төрагалары, аялдар Кеңешинин төрайымдары, жаштар Кеңешинин төрагасы катышкан жыйын жыйынтыкталды. Аталган чогулуштун жүрүшүндө үй-бүлөлүк зордук-зомбулукка каршы күрөшүүдө Кыргыз Республикасынын мыйзамдарына ылайык бул өңүттө алдын алуу иштерин чогуу-чараан жүргүзүү жагы сунуш этилип, мунун натыйжасында эффективдүү жыйынтыктар болоору дагы баса белгиленди. Райондук милициянын бул чечкиндүү кадамын жергиликтүү бийлик өкүлдөрү ачык кубатташып, кылмыш болгондон кийин эмес, анын алдын алуу зарылдыгын какшашып, алдыда аткара турган иштерди дагы өз ара мерчемдешти.

Жалал-Абад облустук милициясынан кошумчалашкандай, бул багытта Чаткалда жакынкы убактарда бир топ алгылыктуу иш-чаралар жүзөгө ашырылаары күтүлүүдө.

Алишер ТОКСОНБАЕВ