1,443 Бардыгы /

7-август күнү Чымкент шаардык маданият үйүнүн жетекчиси, ырчы Сакен Майгазиев каттоодон өтпөгөн “Казакстандын демократиялык партиясынын” активисти Аружан Дүйсебаеваны “кечиргенин” кабарлады. Аткаминер райондук сотко “ар-намысыма шек келтирди” деп берген арызын кайтарып аларын айтты.

Бул тууралуу ал “Инстаграмдагы” баракчасына видеокайрылуу жолдоп, активисттин кечирим суроосуна муктаж эместигин билдирди.

Дүйсебаева болсо чиновник сотко бийликтин тапшырмасы менен кайрылганын айтууда.

– Эгер тапшырма болбосо, кечирим зарыл болбосо, бир нече жолу сотко кайрылып, сарсанаага түшпөйт эле. Бүгүн-эртең экспертизанын жыйынтыгы чыгып, 11-августта жалаа жабылганбы же жокпу белгилүү болмок. Эми баары талаада калды,– деди активист.

Быйыл март жана апрель айларында активист YouTube-каналына эки видеоролик жайгаштырып, Чымкентте Ноорузду майрамдоо үчүн бөлүнгөн 565 миллион теңге уурдалганын маалымдаган.

Доогер видеодогу төрт сүйлөм (мамлекет бөлгөн 565 млн теңге жок кылынды, жемкорлукка баруу – калкка карата чыккынчылык, коррупционер) анын кадыр-баркына доо кетиргенин билдирип, сотко кайрылган.

WWW.