1,194 Бардыгы /

Тажикстандын Бохтар шаарында жергиликтүү тургун 14 жаштагы кызын өзүн-өзү өлтүрүүгө жеткирген деп айыпталууда.

Кылмыш ишин козгоого 14 жаштагы Бибисония Тагоеванын өлөр алдында жазган каты себеп болгон. Кызы катта апасын ур-токмокко алганы, ар-намысына шек келтиргени үчүн айыптаган.

Кайгылуу окуя быйыл жазында болгон. Бибисониянын апасы Муборак Гиёева учурда психиатриялык дарылануудан өтүүдө. Ага карата соттук-психиатриялык экспертиза жүргүзүлөт.

“Кыз катында качан жана кантип токмок жегенин кенен жазган. Бибисонияны апасы гана эмес үйдүн башка мүчөлөрү да урган”, – деди Хатлон облусунун прокурорунун орун басары.

Муборак Гиёеванын күнөөсү далилденсе, ал үч жылдан беш жылга чейин соттолушу ыктымал.

Расмий маалымат боюнча быйыл алты айда Хатлон облусунда 23 өспүрүм суицидге барган.

WWW.