314 Бардыгы /

 Ага жергиликтүү бюджеттен 45 миллион сом бөлүнгөн. Шаар мэри эрнисбек ормоков курулуш иштеринин жүрүшү менен таанышып чыкты. Паркта веложол, оргумак(фонтан), балдар ойноочу аянттар, унаа токтотуучу жай болот.

Жалал-Абад шаарынын “Спутник” кичи районундагы сегиз гектар жерге парк курула баштады. Бул тууралуу “Акчабарга” Жалал-Абад шаардык капитал курулуш башкармалыгы билдирди.

“Жаңы курулуп жаткан паркта жашоочулар үчүн түнкү жарыктандыруу жана веложолдор да болот. Андыктан, аянт бир гана балдар үчүн эмес, жалпы тургундарга ылайыкташкан. Анын курулушуна 45 миллион сом каражат сарпталып, буюртманы Жалал-Абад шаардык капитал курулуш башкармалыгы берген”, – деди аталган мекеменин жетекчиси Арапбай Маматжан уулу.

Эске салсак, буга чейин Жалал-Абад шаарында эки чоң парк курулуп пайдаланууга берилген.

WWW.