1,539 Бардыгы /

      Сузак райондук өзгөчө кырдаалдар бөлүмү тарабынан  2021-жылдын 12-23-24-август күндөрү  Сузак районунунун аймагындагы турак жай ээлерине тоют топтоодо өрт коопсуздук  алдын алуу максатында түшүндүрүү иштери жүргүзүлүүдө.

        Сузак райондук өзгөчө кырдаалдар бөлүмүнүн өздүк курамы тарабынан Сузак районунун Сузак , Ырыс, С. Атабеков, Багыш айыл аймактарында жана Көк-Жаңгак шаарында  жашаган турак жай ээлерине тоют топтоодо коопсуздук эрежелерин сактоо боюнча  145 жолу 168 атуулдун катышуусунда түшүндүрүү иштери жүргүзүлдү.

Сузак райондук ӨКБнүн  ӨӨжАА бөлүмү төмөндөгүлөрдү билдирет.

                      Тоюттуу сактоодо ърткъ жол бербейли.

Урматтуу жердештер, учурда търт т\л\к мал үчүн тоют камдоо кызуу жүрүп жатат. Ошого байланыштуу тоютту сактоого ърт коопсуздугунун эрежелерине токтолуп кетмекчибиз.

            Эң оболу чөп, саман, пакал  ж.б.у.с. Тоютарды үйлөрдөн, сарайлардан, чаркарлардан 30-40 метрден кем эмес алыстыкта жайгаштыруу жана алардын айланасын жакшылап тосуу талапка ылайык. Тоютту ж.б. тез  күйүп кетүүчү заттарды үйлөрдөн жана сарайлардын чатырында сактоо опурталдуу. Себеби кокусунан имараттын чатырынан өрт чыгып калса, жогорудагы аты аталган заттар өрттүн тез күйүп кетүүсүнө өбөлгө түзөт да, аны өчүрүү бир топ татаалдашат.  Тоютту аба аркылуу өтүүчү электр линияларынын астына жана жолдордун боюна жыюу да ърт коопсуздугунун эрежелерине дал келбегенин эстете кетмекчибиз.

            Дагы бир айта кетчү орчундуу маселе, тандыр, очок, ж.б.у.с. ачык жалынды колдонуу менен байланышкан курулмалардан тоют жыйылган жерден  аралыгы 40 метрден кем эмес болуусу талап кылынат. Күл төгүү  үчүн да атайын чуңкур казылып, ал да тоют жыйылган жерден м\мк\н болушунча алыс болуусу зарыл. Мындан сырткары, жаш балдарды көзөмөлсүз калтырбоо  жана алардын ширенке менен ойноосуна жол бербөө  керек.

            Ар бир үй өрт өчүргүч шаймандар жана сууну запасы менен камсыз кылынышы зарыл. Себеби, бул  кокусунан өрт чыгып калса, өрт өчүрүүчү  бөлүмгө  келгиче, өрттүн тез күч алып кетүүсүнүн алдын алат.

            Өрт чыкса «112 же 101» телефонуна чалыңыздар. Эстетип кетебиз , кол телефонунан 101ге чалу төлөмсүз ишке ашырылат.

            Урматтуу  жердештер, өрттүн алдын алуу өз колубузда. Бул үчүн жогорудагы көрсөтүлгөн өрт коопсуздугунун эрежелерин так сактасак тилсиз жоонун жолуна бөгөт койгон болобуз.

Сузак райондук ӨКБнүн ӨӨжААБнүн улук офицери капитан                                                              А. Иманов

WWW.