1,110 Бардыгы /

101-кызматы эскертет. Ар кандай электр жылыткычтарын, мештерди жагууда өрт коопсуздук эрежелерин так сактаңыздар. От жагууда тез күйүүчү майларды (бензин, керосин, солярка)  колдонбоңуз. Стандартка ылайык келбеген жылыткычтарды пайдаланууга тыюу салынат. Үйдүн чатырларына моруга жакын жерге кургак чөп, отун, пахта жана башка ушу сыяктуу тез күйүүчү заттарды жыюуга болбойт. 

Мындай көрүнүштөрдү болтурбоо үчүн 101 төмөнкүлөрдү эскертет.

-Үйдөн чыгып бара жатып электр тогу менен байланышы бар бардык техникалык приборлорду өчүргөндүгүңүз тууралуу текшериңиз.

-Жашы жете элек балдарды үй ичине жалгыз калтырып, сыртынан бекитип кетпеңиз.

-Жылыткыч печтердин үстүнө жуулган кийим-кечектерди илбеңиз.

-Ширенкени жашы жете элек өспүрүмдөрдүн колу жетчү жайга койбоңуз.

-Өрт кырсыгын байкасаңыз дароо 101 кызматына билдириңиз.

Сузак райондук ӨКБнүн өрт өчүрүү жана алдын алуу бөлүмчөсү район аймагында жайгашкан турак жай ээлерине кышкы от жагуу коопсуздук эрежелерин сактоо максатында түшүндүрүү иштерин жүргүзүүдө.

Айбек ИМАНОВ, Сузак райондук ӨКБнүн ӨӨжААБнүн улук офицери, капитан