1,728 Бардыгы /

МОГИЛЕВ. Бишкек шаарындагы «Дастан» корпорациясы жана «Моглиевлифтмаштын» ортосунда кызматташууну жолго салуу максатында Кыргызстандын Белорус Республикасындагы Элчиси Э. Ибраимов менен ТНК «Дастан» ишканасынын коммерциялык директору Могилев шаарындагы лифт чыргаруучу мекемеге атайын жумуш менен сапарлашты.

          Сапар маалында Кыргыз делегациясы ОАО «Могилевлифтмаш» өндүрүшү жана бил ишкана чыгарган продукциялары менен жеринде таанышып, аталган ишкананын өкүлдөрү менен эки тараптуу сүйлөшүүлөрдү дагы жүргүзүштү. Анын жүрүшүндө «Дастан» ишканасынын базасында лифтерди куроо боюнча ишкана ачуу мүмкүнчүлүгү, ошондой эле Белорусиянын экспортту колдоо каржылык механизмин колдонуу менен Бишкек шаарына лифтерди алып келүү маселелери дагы кенен-чонон талкууланды.

          Кыргыз Элчиси Э. Ибраимов Бишкек шаарынын лифтик чарбачылыгын жаӊыртуу боюнча эки өлкөнүн ортосундагы аткарылып жаткан иштерди ыраса кубаттап, ушул өңүттө тыгыз кызматташуну мындан ары ырааттуу улантууну сунуш этти.

          Соңунда Белорус тарап Бишкек шаарындагы эскирген жана иштен чыгып калган лифтерди жаңылоо программасына катышууга абдан кызыкдар экендигин баса белгилеп, бул өңүттө Кыргыз тараптын бардык сунуштарын карап чыгып, андан соң дароо колдоого даяр экендигин кыйытты.

Алишер ТОКСОНБАЕВ, өз кабарчы