1,110 Бардыгы /

ОШ. Кыргыз Республикасынын Улуттук коопсуздук боюнча мамлекеттик комитеттин (УКМК) Ош шаары жана Ош облусу боюнча башкы башкармалыгы тарабынан мамлекеттик органдардагы коррупцияны жоюу максатында жүргүзүлгөн узак мөөнөттүү иш-чаралардын алкагында “Ош-аэропорту” көзөмөлдөп өткөрүү бекетинен УКМКга караштуу Чек ара кызматынын өкүлдөрүнүн коррупциялык жоруктарынын туруктуу каналы аныктады.

УКМКнын басма сөз кызматынын маалыматына караганда, “Ош-аэропорт” көзөмөлдөп өткөрүү бекетинин кызмат адамдары кызмат абалынан кыянаттык менен пайдаланышып, ырааттуу түрдө чет элдик жүргүнчүлөрдөн опузалап акча каражатын алып жүрүшкөндүгү ашкереленди.

Ушул тапта дыкаат тергелип жаткан кылмыш ишинин алкагында “Ош-аэропорт” көзөмөлдөп өткөрүү бекетинде ишткшкен УКМКга караштуу Чек ара кызматынын өкүлдөрүнүн үстүнөн тыкыр текшерүү иштери абдан кызуу жүрүп жаткан чагы.

Алишер ТОКСОНБАЕВ, өз кабарчы