867 Бардыгы /

ОШ. Соңку сааттарда Кара-Суу районунун аймагынан жардыруучу заттар жана ок атуучу куралдар табылды.

Ош облустук милициясынын маалыматына караганда, Кара-Суу РИИБсынын криминалдык милиция кызматынын өкүлдөрү тарабынан ок атуучу курал жарактарды мыйзамсыз алып жүргөн жарандарды аныктоо максатында ыкчам иликтөө иш-чаралары жүргүзүлдү. Мунун натыйжасында Кара-Суу районунун Савай айылынын 43 жаштагы З.О. аттуу тургуну кармалып, жеринде текшерилди. Ар тараптуу тинтүүнүн жүрүшүндө Кара-Суу районунун Савай айылынын жашоочусу З.О. аттуу тургунунун жанынан эки даана ок атуучу курал жана граната табылды.

Жогорудагы факт Кылмыштардын жана Жоруктардын бирдиктүү реестрине катталып, сотко чейинки өндүрүш иши башталды. Ошондой эле тийиштүү экспертизалар дагы дайындалып, тергөө жараяны кызуу улантылууда.

Алишер ТОКСОНБАЕВ, өз кабарчы