1,863 Бардыгы /

БИШКЕК. АКШнын Ооруларды көзөмөлдөө жана аларга каршы чара көрүү борборлору (CDC) Кыргызстандын Саламаттык сактоо жана Социалдык өнүктүрүү министрлигине жугуштуу ооруларды электрондук түрдө кабарлоонун жаңы системасын тапшырды. Бул система кабарлануучу жугуштуу оорулардын электрондук тизмесин берүү аркылуу ооруларды үзгүотүксүз көзөмөлдөөнү дагы жакшыртат.

CDC жана Колумбия университетинин саламаттыкты сактоо тармагында иштеген уюму ICAP үстүбүздөгү жылдын январында Кыргызстандын Оорулардын алдын алуу жана мамлекеттик санитардык эпидемиологиялык көзөмөл департаментинин өтүнүчү боюнча шашылыш билдирүү жана каттоо тутумун иштеп чыгууну баштаган.

• Бул өңдөнгөн электрондук көзөмөл системалары коомдук

саламаттыкты сактоо адистерине убакытты үнөмдөөгө жана мунун натыйжасында өмүрлөрдү дагы сактап калууга жардамдашат. Биз кыргызстандык жугуштуу оорулар боюнча адистерге COVID-19 жана башка оорулар менен күрөшүүдө бул программалык камсыздоону бергенибизге сыймыктанабыз. Бул долбоор коомдук саламаттыкты сактоо тармагындагы өнөктөштүгүбүздүн көптөгөн мисалдарынын бири гана. Бүгүн биз Борбор Азиядагы коомдук саламаттыкты жакшыртуу боюнча ондогон жылдар бою кабыл алынган милдеттенмеге таянып жатабыз! – деди CDCнин Борбор Азия боюнча директору Дэниэл Сингер.

Ошентип, жаңы жана заманбап система аркылуу алынган так маалымат Кыргызстандын медицина кызматкерлерине жугуштуу оорулардын өлкөдө кантип жайылып бараткандыгы жөнүндө тезирээк жана жакшыраак түшүнүк алууга жардам берет. Ошого жараша өмүрлөрдү сактап калуучу ресурстарды бөлүштүрүүгө дагы мүмкүнчүлүк түзөт.

CDC жана Америка Кошмо Штаттарынын алдынкы коомдук саламаттыкты сактоо Агенттиги коомдук саламаттыкты сактоо маселелери боюнча Борбор Азиянын Өкмөттөрү менен көп жылан бери кызматташат. Ошондуктан, CDC биринчи кеңсесин 1995-жылы Алматыда ачкан жана бүгүнкү күндө анын кеңселери Казакстанда, Кыргызстанда, Өзбекстанда жана Тажикстанда дагы бар. CDC ар бир Саламаттыкты сактоо министрлиги менен тыгыз кызматташып, өлкөлөр лабораторияларды, ооруларды көзөмөлдөөнү жана жумушчу күчтөрдүн дараметин күчөтүү максатында чогуу-чараан иштешет. Ошондо аталган өлкөлөр оорулардын чыгышын жакшыраак алдын алат, аныктайт жана жооп дагы тийиштүү жообун кайтарат.

Алишер ТОКСОНБАЕВ, өз кабарчы