1,035 Бардыгы /

ОШ. Дыйканбай Исабаевич Даминов Борбордук шайлоо комиссиясынын Ош облусундагы өкүлү болуп дайындалды. Бул маалыматты Даминов өзү редакциябызга ырастады.

Дыйканбай Даминовдунанын айтымында, бул кызматка ал ушул жылдын октябрь айынын башында конкурстук негизде тандалды.

-Ачык сынак жүрүп, бул жарышка төртөөбүз катышканбыз. Андан кийин экөөбүз Бишкекке маектешүүгө барып, мен БШКнын Ош облусундагы өкүлү болуп дайындалдым, – деп кошумчалады Дыйканбай Даминов.

Буга дейре Борбордук шайлоо комиссиясынын Ош облусундагы өкүлү болуп он жылга чукул Расул Кадыров эмгектенген. Ал эми Дыйканбай Даминов мурун «Ош электро» чык акционердик коомунун директору болуп бир нече жыл иштеген.

Алишер ТОКСОНБАЕВ, өз кабарчы