Аймак

АЗИЯ ӨНҮКТҮРҮҮ БАНКЫ “АЛМАТЫ-ЫСЫК-КӨЛ” ТРАССАСЫНЫН КУРУЛУШУН КОЛДОЙТ

АЗИЯ ӨНҮКТҮРҮҮ БАНКЫ “АЛМАТЫ-ЫСЫК-КӨЛ” ТРАССАСЫНЫН КУРУЛУШУН КОЛДОЙТ

 828 Бардыгы /

Азия өнүктүрүү банкы (АӨБ) “Алматы-Ысык-Көл” альтернативдүү жолунун курулушунун долбоорун колдойт.

Бул тууралуу 13-ноярда министрлер кабинетинин төрагасынын орун басары Азиз Аалиев менен Азия өнүктүрүү банкынын Кыргызстандагы туруктуу өкүлчүлүгүнүн директору Лао-Арайя Канопкандын жолугушуусу учурунда белгилүү болду. Сүйлөшүү маалында бул долбоорду мамлекеттик-жеке өнөктөштүктүн алкагында илгерилетүү жана техникалык, каржы, экономикалык маселелери талкууланды.

Аалиев долбоор чоң мааниге ээ экенин айтып, банктын өкүлдөрүнө колдоосу үчүн ыраазычылык билдирди.

“Долбоор өлкөнүн туристтик, транспорттук жана соода-сатык потенциалына оң таасирин тийгизет. Министрлер кабинети долбоорду ишке ашыруу үчүн болгон жардамын берет”, — деди Аалиев.

Министрлер кабинети Алматы менен Ысык-Көлдү бириктирген альтернативдүү жол убакыт жана жол акысын үнөмдөп, каттамдардын көбөйүшүнө шарт түзөрүн белгилейт.

Кыргызстан менен Казакстан “Алматы-Чолпон-Ата” трассасын куруу боюнча биринчи жолу 2015-жылы макулдашкан. Анда жол салынса, эки өлкөнүн аралыгы 250 чакырым болору, казакстандыктар Ысык-Көлгө 2,5 саатта жетери айтылган.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17