816 Бардыгы /

ОШ. Кара-Суудагы автожол кырсыгынан жети адам жеринде эле каза тапты. Мындан тышкары дагы тогузу түрдүү даражада жапа чегишти.

Өзгөчө кырдаалдар министрлигинин басма сөз кызматынын маалыматына караганда,Ош облусунун Кара-Суу районунда жайланышкан Бишкек-Ош автоунаа жолунун 661-чакырымында “КамАЗ”, Mercedes-Benz Sprinter жана Daewoo Nexia унааларынын катышуусунда жол кырсыгы катталды. Алдын ала маалыматтарга таянсак, автокырсыктын кесепетинен жети жаран (3 эркек, 4 аял), жеринде каза табышты. Ошондой эле 6 адам Ош облустук ооруканасынын жандандыруу бөлүмүнө жаткырылды. Дагы 3 жаш бала балдар ооруканасына жеткирилди. Ушул тапта булардын аты-жөнү дыкаат такташтырылууда.

Жеринде ӨКМдин Кара-Суу райондук башчысынын орун басары А.Мазарипов, ошондой эле ӨКМдин Ош облустук башкармалыгынын башчысы Н.Шаматов жана дагы 3 куткаруучу тартылып, иштеп жатышат.

Алишер ТОКСОНБАЕВ, өз кабарчы