Аймак

ЖАЛАЛ-АБАДДА ШАЙЛООГО ДАЯРДЫК ТЕКШЕРИЛИП, ШАЙЛООНУ ТАЗА ӨТКӨРҮҮ ЭСКЕРТИЛДИ

ЖАЛАЛ-АБАДДА ШАЙЛООГО ДАЯРДЫК ТЕКШЕРИЛИП, ШАЙЛООНУ ТАЗА ӨТКӨРҮҮ ЭСКЕРТИЛДИ

 855 Бардыгы /

ЖАЛАЛ-АБАД. Кечээ, 25-ноябрь күнү Жалал-Абад шаарында КРдин Жогорку Кеңешине шайлоону уюштуруу маселелерин чечүүдө жана материалдык-техникалык каражаттар менен камсыз кылууда шайлоо комиссияларына көмөк көрсөтүү боюнча шаардык штаб өттү. Бул тууралуу шаардык мэриянын басма сөз кызматы маалымдады.

Маалыматка ылайык, жыйынга шаар мэри Эрнисбек Ормоков, вице-мэрлер, калаадагы мекеме-ишканалардын жетекчилери жана 25 аймактык шайлоо тилкелеринин төрага, төрайымдары катышты.

Алгач шаар башчысы калаадагы 25 аймактык шайлоо тилкелерине жооптуу катары бекитилген  төрага, төрайымдардан шайлоого даярдыгы, андагы жылытуу системалары тууралуу маалыматтарды сурады.

Шаар башчысы Эрнисбек Ормоков  шайлоону таза өткөрүү, керектүү техникалар менен камсыздоо, байкоочуларга бирдей шарттарды жаратуу, добуштарды сатып алууга жол бербөө, коомдук коопсуздукту сактоо, жарандардын укугу менен эркиндигин камсыздоо, ден-соолугунан мүмкүнчүлүгү чектелген жарандарга ыңгайлуу шарттарды түзүү, санитардык-эпидемиологиялык талаптардын сакталуусу боюнча баардык талаптарды аткарууга чакырды. Мындан сырткары мамлекеттик жана муниципалдык  кызматкерлердин үгүт  иштерине  аралашпоосун дагы бирет эскертти.

Учурда Жалал-Абад шаарында 25 шайлоо тилкеси бар.

Эскерте кетсек, парламенттик шайлоо 28-ноябрда өтөт.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17