954 Бардыгы /

Орусия БУУнун Коопсуздук кеңешинин климаттын өзгөрүшү менен коопсуздук маселелери боюнча резолюциясына вето койду. Долбоорду Ирландия менен Нигерия сунуштаган.

Аны Коопсуздук кеңешинин 15 мүчөсүнүн 12си колдогон. Орусия менен Индия каршы добуш берди, Кытай добуш берүү укугун пайдаланган жок.

Орусиянын БУУдагы туруктуу өкүлү Василий Небензя Кремлдин бул чечимине комментарий берип жатып, “эл аралык коомчулук климат тематикасында өтө бөлүнүп кеткенин” айтты. Ал резолюция долбоорунун текстин эл аралык коомчулукка “климаттык активисттердин позициясын” таңуулоо аракети деп атады.

АКШнын БУУдагы элчиси Линда Томас-Гринфилд Орусиянын ветосу эч кандай актанууга жатпай турганын билдирди. Анын айтымында, “климаттык каатчылык – бул коопсуздук каатчылыгы”.

Франция глобалдык жылуулук менен коопсуздуктун ортосунда байланыш бар деп эсептейт: сууга ээ болуу, азык-түлүктүн жетишсиздиги жана климаттык коопсуздуктун жоктугу “куралдуу топтордун гүлдөшүнө” жол ачууда.

WWW.