1,428 Бардыгы /

ОШ. Кыргызстандын Түштүк башкалаасындагы Курманжан Датка көчөсүндө жайгашкан “Самара” окуу борбору толук бойдон күйүп кетти. Бул туурасында Өзгөчө кырдаалдар министрлигинин басма сөз кызматынан маалымдашты.

Маалыматка караганда, аталган окуу борбору гана эмес ага жанаша жайланышкан турак жайдын 24 квадрат метри, ошондой эле  Мухаммед Али Джинах көчөсүндөгү турак жайдын чатырынын 140 квадрат метри дагы толук өрттөндү. Ошондуктан, жалынды өчүрүүгө Өзгөчө кырдаалдар министрлигине караштуу Ош шаарындагы № 12-өрт өчүрүү бөлүгүнүн эки комадасы катышты

Өрт бир жарым сааттан кийин гана толук бойждон өчүрүлдү. Ушул тапта анын себептери иликтенип жаткан чагы.

Алишер ТОКСОНБАЕВ, өз кабарчы