1,188 Бардыгы /

БАТКЕН. Кыргыз Республикасынын УКМКсына караштуу Мамлекеттик Чек ара кызматынын маалымат жана коммуникация башкармалыгынан билдиришкендей, Лейлек чек ара отрядынын чек арачылары кыска аралыкта бир нече аткезчилик жүгүнүн ташылып өтүлүшүн ооздуктады.

Үстүбүздөгү жылдын 23-декабрында Баткен облусуна караштуу Лейлек районунун Интернационал кыштагында Кыргыз Республикасынын УКМКсына караштуу Мамлекеттик Чек ара кызматынын аскерлери 1994-жылы туулган Кыргыз жараны Т.М. айдап бараткан шектүү машинаны токтотушкан. Аны дароо тинтишкенде, ичинен балл- асел табылды. Ал эми айдоочунун буга тиешелүү документи болгон эмес! Алдын ала маалыматтарга караганда, айдоочу аселди Тажикстандан Кыргызстанга алып кирүүгө аркеттенген.   

Ушундан көп өтпөй эле Кыргыз Республикасынын УКМКсына караштуу Мамлекеттик Чек ара кызматынын Лейлек чек ара отрядынын наряды 1990-жылы туулган Кыргыз жараны И.А. жана 1990-жылы туулган Кыргыз жараны Б.С. айдашкан Honda CR-V автоунаасын токтоткон. Экөө тең Кыргызстандан Тажикстанга алты кап спорттук форманы – кимоно кийимин мыйзамсыз ташып барытшкан. Булардын дагыаталган жүктөргө тиешелүү документи болгон эмес!

Мындан ары Кыргыз чек арачылары 1985-жылы туулган Кыргыз жараны К.Н. айдап бараткан күмөндүү Toyota-Harrier автоунаасын тинтишкенде, ал Кыргыз жемиштерин – 18 жашик мандаринди жана 24 жашик жүзүмдү  Тажикстандан Кыргызстанды карай мыйзамсыз алып өтүүгө аркетттенген.

Бул фактылардын баары катталып, тиешелүү докеументтер толтурулгандан кийин жергиликтүү укук коргоо органдарына мыйзам чегинде чараларды көрүү үчүн өткөрүлүп берилди.

Алишер ТОКСОНБАЕВ, өз кабарчы