1,140 Бардыгы /

Түркмөнстан Каракум чөлүндөгү 50 жылдан ашык убакыттан бери күйүп жаткан ачык газ кениндеги отту өчүрүүнү пландап жатат.

Маалыматка караганда, өлкө президенти Гурбангулы Бердымухамедов өкмөттүн 7-январдагы жыйынында окумуштууларды тартып, зарыл болсо чет өлкөлөрдөн адистерди чакыруу менен аталган кратерди өчүрүүнүн жолун табуу тапшырмасын берген.

“Президент ал жерде көптөгөн жылдардан бери газ күйүп, экологияга жана район калкынын ден соолугуна терс таасир тийгизип жатканын, ошондой эле элдин жыргалчылыгын камсыз кылуу үчүн пайдаланууга мүмкүн болгон ири өлчөмдөгү газ сарпталып жатканын белгиледи”, – деп кабарлашты өлкөнүн мамлекеттик маалымат агенттиктери.

1971-жылы Каракум чөлүндөгү кендин чалгындоо скважинасын бургулоодо диаметри 70 метрге жакын, тереңдиги 30 метрге жеткен чуңкур пайда болуп, ал газга толгон. Андан чыккан газ жергиликтүү тургундар менен фаунаны уулантпашы үчүн ал жерге өрт коюу чечими кабыл алынган. Алгач советтик геологдор андагы газ бир нече күндүн ичинде эле күйүп бүтөт деп болжолдошкон, бирок от бүгүнкү күнгө чейин токтой элек.

Бердымухамедов 2010-жылы эл арасында “Тозоктун дарбазасы” деп аталып калган газ кенине барып, андагы отту өчүрүү тапшырмасын берген.

WWW.