1,005 Бардыгы /

Иркутск облустук соту Тажикстандын үч жаранынын камактагы мөөнөтүн төрт айга узартты.

Тажик диаспорасынын башчысы Алишер Шириновдун маалыматына караганда, 12-январда сот Курбонмада Содиков, Далер Хасанов жана Жумабой Искандаровду 12-апрелге чейин камакта калтыруу тууралуу тергөөчүлөрдүн өтүнүчүн канааттандырды.

Алардын экөө “киши өлтүрүү үчүн кутумга барган” деп шектелсе, үчүнчүсү “бейбаштыкка” айыпталууда. Бирок үчөө тең тагылган айыптарды четке кагышууда.

Алар Залар кичи районундагы курулуш вагонунда жашаган. 2021-жылы 12-ноябрда жергиликтүү тургундар вагонду өрттөп кетишкен. Анын ичиндеги эки мигрант каза таап, дагы биринин денеси күйүп калган. Бул окуядан кийин жаш мигранттар камакка алынган. Тергөө алар мурдараак жергиликтүү тургундар менен мушташып кеткенин, мунун натыйжасында кийин вагон өрттөлгөнүн билдирүүдө.

Алишер Шириновдун айтымында, тажик жаштарына тагылган айыптар негизсиз, алардын күнөөсүз экенин төрт адвокат далилдөөгө тырышып жатат. Тажик диаспорасынын башчысынын айтымында, 12-ноябрда нан сатып алуу үчүн дүкөнгө барган мигранттарга Залар кичи районунун мас тургундары кол салган. Алар жердештерин жардамга чакырышкан. Ортодо мушташ чыккан.

Ушул тапта тергөөчүлөр тажик мигранттары жергиликтүү тургундарды өлтүрүү максатында уруш чыгарганын айтып жатышат.

Маалыматка караганда, орусиялык укук коргоо органдары жапырт мушташка катышкан, вагонду өрттөгөн деген шек менен эки жергиликтүү тургунду кармаган, дагы үчөө эч жакка кетпөө жөнүндө тилкат жазып берген.

WWW.