990 Бардыгы /

БАТКЕН. Баткен облустук ички иштер башкармалыгынын өздүк курамы коомдук тартипти жана коопсуздукту камсыздоо максатында түзүлгөн кырдаалга карата ыкчам чараларды көрүү боюнча күчөтүлгөн тартипте кызмат өтөөнү дагыле улантууда.

Акыркы маалыматка караганда, Кыргызстандын Баткен жана Тажикстандын Согдий облустарынын милиция кызматкерлери Лейлек районунун Жаңы-Жер Айыл Өкмөтүнүн Арка-1, Арка-2, Достук, Жаштык айылдарында, Кулунду Айыл Өкмөтүнүн Максат айылында Сада, Кулуңду айылдарында биргелешкен кайгуул-күзөттөрүн дагыле улантышууда жана ички кайгуул Баткен районундагы Ак-Сай, Таш-Тумшук, Орто-Боз, Көк-Терек, Көк-Таш, Самаркандек, Кызыл-Бел, Достук, Кара-Бак, Ак-Сай-Ворух, Бакай, Ак-Сай-Развилка багыттарында дагыле кайгуулун улантышууда.

Ошентип, Баткен облусунун ИИБсы тарабынан жүктөлгөн милдеттерди аткаруу үчүн бир катар уюштуруу жана практикалык иш-чаралар кабыл алынып, чек арага жакын жайгашкан аймактарда мүмкүн болгон коркунучтарды алдын алуу боюнча комплекстүү иш-чаралар аткарылууда. Ушул тапта Баткен облусунун Кыргыз-Тажик мамлекеттик чек ара тилкесиндеги кырдаал туруктуу.

Алишер ТОКСОНБАЕВ, өз кабарчы