1,317 Бардыгы /

ЖАЛАЛ-АБАД.  Жалал-Абад.  шаардык милициясы уюлдук телефон жана акча тоногондорду кармады.

Жалал-Абад ОИИБдин басма сөз кызматынын маалыматына  ылайык, 2022-жылдын 19-январь күнү таңкы саат 4:45 чамасында Жалал-Абад ШИИБдин 102 номерине Жалал-Абад облустук ооруканасынын дарыгери чалып,1978-ж.т. А.А. аттуу жаран денесинен жараат алып ооруканага келип түшкөндүгүн билдирген.

Аталган маалымат Жалал-Абад ШИИБдин МЭЖне катталып, алдын ала текшерүүнүн жүрүшүндө, жабырлануучу А.А. 18-январь күнү саат 23:00 чамасында Жалал-Абад шаарындагы кафелердин биринде шериктери менен спирт ичимдигин ичишкендигин, ал жерден чыккан соң чогуу отурган балдар уруп20 000 сом акчасын жана 8000 сомдук уюлдук телефонун алып коюшкандыгын билдирип, мыйзам чегинде чара көрүп берүүнү суранып арыз менен кайрылган.

Бул окуя Жалал-Абад ШИИБдин КБРне Кыргыз Республикасынын Кылмыш-жаза кодексинини 206-беренеси (Тоноо) менен катталып, сотко чейинки өндүрүш иши ачылып, А.А.га карата соттук-медициналык экспертиза дайындалган.

Жалал-Абад ШИИБдин Кылмыш иликтөө бөлүмүнүн кызматкерлери тарабынан жүргүзүлгөн ыкчам-иликтөө иштеринин натыйжасында, бул окуяга шектелип Сузак районунун тургундары 1981-ж.т. А.С. жана 1988-ж.т. А.Э. кармалып, 2 айга убактылуу кармоочу жайга киргизилген.

Учурда шектүүлөрдүн башка кылмыштарга тиешеси бар же жоктугу боюнча текшерүү жүргүзүлүп, аталган иш боюнча тергөө амалдары уланууда.