2,187 Бардыгы /

БАТКЕН. Баткенде он тоголок жетим балага жер тилкелери ажыратылып берилди. Бул тууралуу Башкы прокуратуранын басма сөз кызматынан билдиришти.

          Маалыматка караганда Кыргыз Республикасынын мыйзамдарына ылайык, тоголок жетим балдарга жана ата-энесинин кароосунан ажыраган балдарга турак жай же жер тилкелери кезексиз берилүүгө тийиш. Баткен облустук прокуратурасы тарабынан жетим балдардын укуктарын коргоого багытталган мыйзам талаптарынын аткарылышы боюнча Баткен райондук мамлекеттик администрациясынын башчысы – акимге сунуш келтирилген.

          Ошентип аталган сунушту кароонун жыйынтыгына ылайык Баткен районуна караштуу Самаркандек Айыл Өкмөтү тарабынан үч балага (А.у.У., П.А., Т.Б.), Суу-Башы Айыл Өкмөтү тарабынан эки балага (Б.у.Э., К.Ж.) жана Ак-Татыр Айыл Өкмөтү тарабынан 5 балага (И.у.А., Ү.к.Т., И.к.К., Т.Н., И.Э.), жалпы он жетим балага турак жай куруу үчүн жер тилкелери ажыратылып, прокурордук сунуштун негизинде “Кадастр” мамлекеттик ишканасынын Баткен филиалы тарабынан укук күбөлөндүрүүчү документтер акысыз жасалып берилди.

          Алишер ТОКСОНБАЕВ, өз кабарчы