2,328 Бардыгы /

ЖАЛАЛ-АБАД. Жалал-Абад облусунун аймагында 2022-жылдын 3 айында 128 автокырсык катталып, 19 адам каза таап, 213 адам жаракат алган.

Жалал-Абад ОИИБдин басма сөз кызматы маалымдагандай, анын ичинен 34 автокырсык оң рулдуу унаалардын катышуусунда орун алып, 32 жол кырсыгына оң рулдуу унаалардын айдоочулары күнөөлү деп табылган. Оң рулдуу унаалар катышкан кырсыктардан улам 8 адам каза таап, 65 адам денелеринен ар кандай жаракаттарды алган.

Былтыркы жылы 3 айда 114 автокырсык катталып, андан 21 адам каза болуп, 189 адам жаракат алган. Анын ичинен 31 автокырсыкта оң рулдуу унаалардын катышуусу болуп, андан 7 адам каза таап, 70 адам жаракат алган.

Негизинен оң рулдуу автоунаалар жүргүнчү түшүрүүдө жана озуп өтүүдө ыңгайсыздыктарга кабылат.