1,629 Бардыгы /

       БАТКЕН. Баткен облусуна караштуу Баткен жана Лейлек райондорунун чек ара айылдарында укук күбөлөндүрүүчү документтерди жол-жоболоштуруу жана берүү тартиби, техникалык паспорттоштуруу жана кыймылсыз мүлккө укуктарды акысыз негизде мамлекеттик каттоо башталды. Бул тууралуу “Кадастр” мамлекеттик мекемесинен билдиришти.

Маалыматка караганда, Кыргыз Республикапсынын Министрлер кабинетинин 2022-жылы 24-мартындагы 128-р буйругуна ылайык, бул саамалык Баткен облусунун чек ара аймактарынын жашоочуларына кыймылсыз мүлккө юридикалык документтерди тариздөөгө көмөк көрсөтүү үчүн гана жасалды.

Белгилей кетчү жагдай: “Кадастр” мамлекеттик мекемеси машиналарды жана жабдууларды сатып алууга, имараттарды жана курулмаларды учурдагы жана капиталдык оңдоого каралган каражаттарын оптималдаштыруунун эсебинен мамлекеттик кызматтарды үзгүлтүксүз көрсөтөт.

Алишер ТОКСОНБАЕВ, өз кабарчы