3,612 Бардыгы /

ОШ. Ош облусунун аймагындагы “Мал ууру” атайын рейдинин жүрүшүндө башка дагы 24 кылмыштын бети ачылды. Бул жөнүндө Ош облустук милициянын басма сөз кызматынан маалымдашты.

Маалыматка караганда, ушул жылдын 8-апрелинен тартып 10-апрелине чейин Ош ОИИБдин Кылмыш иликтөө бөлүмүнүн кызматкерлери тарабынан Ош облусунун аймагында “Мал ууру” аталышындагы комплекстүү ыкчам-издөө жана алдын алуу иш-чаралары жүргүзүлдү. Аталган аракет мал уурулук фактылары боюнча жарандардын жамааттык кайрылууларынан Ош облусунун аймагында жайгашкан мал базарларды тактоо боюнча ыкчам-издөө топтору мал базарлардын жанында уурдалган малды сатуу каналдарына бөгөт коюу максатында, мал базарлардын ишинин жүрүшүндө көчмө бекеттер уюштурулуп, мыйзамсыз мал союлган жерлерди аныктоо боюнча дагы топтор иш жүргүздү. Ошентип,  бул рейддин жүрүшүндө Ош облуунун аймагында дайынсыз жоголгон эки жаран дагы аныкталды. Мындан тышкары милиция кызматкерлери тарабынан Кара-Суу районунун Учкун айылына, Ноокат айылына караштуу Кара-Суу районунун аймагында жайгашкан ири мал базарларда жана Барын, Өзгөн районунун Красный-Маяк айылындагы мал союучу жайларда, эт азыктарын сатуучу жайларда, ошондой эле башка уурдалган мал сатылуучу жайларда Ош облусунун аймагындагы мал уурулук фактыларынын алдын алуу жана бөгөт коюу максатында түшүндүрүү иштери дагы кошо жүргүзүлдү.

Уурдалган малды соодалоо мүмкүн болгон 80 жай, мунун ичинен  10 мал базары, 10 мал союучу касапкана, эт азыктарын сатуучу 60 эт сатуучу жай, ошондой эле малдын терилерин сатып алуу жана кайра иштетүүчү жайлар бүтүндөй тешерилди. Мал уурулук менен туруктуу алектенишкен 15 жаран аныкталды. Булардын арасынан 5 жаран мурда мал уурдагандыгы үчүн соттолушкан экен. Ошондой эле 10 башка кылмыш жасагандыгы үчүн, буга улай башка ыкчам кызыкчылык туудурган 25 жаран ашкереленди.

Алишер ТОКСОНБАЕВ, өз кабарчы