1,050 Бардыгы /

Өзбекстандык белгилүү саясат таануучу жана көз карандысыз эксперт Камолиддин Раббимов 15 суткага камалып, Ташкенттеги тергөө изоляторуна киргизилди. Бул тууралуу журналист Ильёс Сафаров “Фейсбуктагы” баракчасына жазды.

Анын айтымында, 17-апрелден бери саясат таануучунун үй-бүлөсү аны менен байланыша албай жатат. Туугандары Камолиддин Раббимов үйдөн 15:00дө чыккан бойдон дайынсыз экенин билдиришкен.

“Азыр эле Камолиддин ака менен байланышууга мүмкүнчүлүгүм болду. Телефондук сүйлөшүүбүз 5-6 секундага гана созулду. Камолиддин ака: “Мен Панелдемин. 15 сутка” деди. Бул Камолиддин Раббимов ушул тапта “Панельный” деп аталган тергөө абагында отурганын билдирет”, – деп жазды журналист.

Өзбекстан ИИМинин басма сөз катчысы Шохрух Гиясов 17-апрелде Ташкенттин Чакар маалесинде өткөн санитардык-профилактикалык иш-чара учурунда Камолиддин Раббимов “кызматкерлердин ишмердүүлүгүнө негизсиз кийлигишип, алардын ишине тоскоолдук жаратып, мыйзамдуу талаптарын аткарбаганын” билдирди.

Ага “Майда бейбаштык”, “Ички иштер органдарынын кызматкерлеринин мыйзамдуу талабына баш ийбөө”, “Ички иштер органдарынын кызматкерлеринин ишине тоскоолдук жаратуу” беренелери боюнча административдик иш козголду. Докумументтер соттук териштирүү үчүн Шайхантахур райондук сотуна жөнөтүлдү.

Камолиддин Раббимов 2007-жылдан бери Францияда жашап, ошол жактан башпаанек алган. Бир нече ай мурун ал Өзбекстанга кайтып келген.

WWW.