1,455 Бардыгы /

Тажикстандын Пенжикент шаарында белгилүү тажик жана өзбек ырчыларынын катышуусундагы бир нече концерт өтпөй калды. Мэриянын өкүлү Санъат Тохирзода буга талаа иштери жүрүп жатканы себеп болгонун билдирди.

“Азыр биздин аймакта талаа иштери күчөп турган маал болгондуктан, уюштуруучуларга концерттерди кийинкиге жылдырууну сунуштадык. Мындан тышкары бул айда жергиликтүү бийлик да бир нече иш-чара өткөрүүнү пландаган, тургундарда концертке барууга мүмкүнчүлүгү болбой калат. Продюсерлер концерттерди 5-июндан кийин өткөрө берсе болот”, – деди Тохирзода.

Маалыматка караганда, тажик ырчылары Зиёвиддин Нурзод менен Сурайё Абдуллаеванын 7-8-май күндөргө, Өзбекстандын эл артисти Фируза Жуманиёзованын 9-майга жана тажик ырчысы Нигина Амонкулованын 23-майга белгиленген концерттери болбой калды.

Акыркы жылдары Тажикстанда коронавирус пандемиясына байланыштуу ырчылардын концерттерине уруксат берилген эмес. Ошол эле маалда мамлекеттик майрамдарга карата бийлик уюштурган театралдаштырылган ири иш-чаралар талаа иштери менен пандемияга карабай өтүп келген.

WWW.