1,761 Бардыгы /

ОШ. Ооганстандын бийик тоолуу Памиринен 17 үй-бүлө жакын арада Ош облусуна көчүрүлүп келет. Бул жүнүндү Өзгөчө кырдаалдар министрлигинен билдиришти.

Ошентип Памир кыргыздары көчүп келишкен соң климатка ыңгайлашуусу жана убактылуу жашап туруусу үчүн Чоң-Алай районунун Дароот-Коргон айылындагы мектептин имаратына жайгаштырылат. 2019-жылдын 23-декабрында 50 кишиден турган 11 памирлик үй-бүлө Алай районунун Сары-Могол айылына көчүрүлүп келинген эле. Ал эми 2017-жылы Нарынга дагы 50 памирлик кыргыз алып келинип, жатаканага жайгаштырылган.

Памир кыргыздары 1575-1930-жылдар аралыгында Ооганстанга туруктуу жашоого кеткен кыргыздардын тукуму. Алар шарты катаал, анан дагы билим алуу менен ден соолукту чыңдоо мүмкүнчүлүгү дээрлик жок Чоң жана Кичи Памир өрөөнүн байырлашат.

Алишер ТОКСОНБАЕВ, өз кабарчы