1,287 Бардыгы /

          ЖАЛАЛ-АБАД. Жалал-Абад облусуна караштуу Ала-Бука районунда күн сайын 120 тонна сүттү кайра иштетүү мүмкүнчүлүгү бар «Арашан» заводунун филиалы ишке киргизилди. Ал эми башкы завод өзү Талас шаарында жайланышкан.

Президенттин Жалал-Абад облустук ыйгарым укуктуу өкүлчүлүгүнүн кабарлашкандай, заводду жергиликтүү бийликтин колдоосунда жеке ишкер ачты. Отузга чукул адам иштеген бул ишканага Ала-Бука, Аксы жана Чаткал райондорунан сүт сатылып алынат. Азыктар лабараториялык текшерүүдөн кийин гана жасалат. «Арашан» заводунун Ала-Бука районундагы филиалынын ачылышына президенттин Жалал-Абад облусундагы ыйгарым укуктуу өкүлү Абсаттар Сыргабаев үзү катышып, жыл аягына чейин сүттү кайра иштетүүчү заводдор дагы эки райондо ачылаарын убадалады.

Айыл чарба министрлигинин маалыматына караганда, Кыргызстанда жылына 1,7 миллион тонна сүт алынат. Анын 3000-4000 тоннасы кайра иштетилип, андан алынган сүт азыктарынын жарымы чет үлкүлүргү экспорттолот.

Алишер ТОКСОНБАЕВ, өз кабарчы