4,533 Бардыгы /

ОШ. УКМК тарабынан ок атуучу куралдардын мыйзамсыз жүгүртүлүшү жөнүндө контр–чалгындоо иш–чараларынын жүрүшүндө  ок–дарылар жана жардыргыч заттар катылгандыгы туурасында ыкчам маалымат алынган эле. Мунун негизинде Ош облусунун Кара-Суу районунун аймагына белгисиз адамдар тарабынан жеке ишкердик менен алектенген адамдарга каракчылык жана куралдуу кол салуу максатында ок атуучу куралдар салынган баштыкты бекитип кеткендиги ашкереленди.

Ошентип, Кара-Суу районуна караштуу Төлөйкөн айылында ок атуучу куралдар жана ок-дарылар сакталган жай акыры табылды. Аталган аймакты тыкыр текшерүүнүн жыйынтыгында баштыктын ичинен төмөндөгүлөр табылып олтурат: 1 даана (кесилген) жылмакай мылтык; 1 даана идентификациялык номерлери өчүрүлгөн револьвер; 13 даана ар түрдүү калибрдеги ок-дарылар.

Ушул тапта тергөөнүн толук кандуулугун жана обьективдүүлүгүн камсыз кылуу максатында тиешелүү экспертизалар дагы дайындалды.

Алишер ТОКСОНБАЕВ, өз кабарчы