1,428 Бардыгы /

ЖАЛАЛ-АБАД. Жалал-Абад милициясы дөңгөлөк уурдагандарды кармады.

Жалал-Абад ОИИБдин басма сөз кызматы билдиргендей, Жалал-Абад ШИИБге 28 жаштагы жаран арыз менен кайрылып, 2022-жылдын 23-ноябрына караган түнү саат 02:00 чамасында шаардагы көп кабаттуу үйдүн алдында токтоп турган “ДЭУ Матиз”үлгүсүндөгү автоунаасынын дөңгөлөктөрүн белгисиз кылмышкерлер уурдап кеткендигин билдирген.Ушундай эле арыз менен дагы шаардын 6 тургуну милицияга кайрылган.

Бул окуялар боюнча топтолгон материалдар Жалал-Абад ШИИБдин КБРне Кыргыз Республикасынын Кылмыш-жаза кодексинин 205-беренесинин (Уурдоо) негизинде катталып, кылмыш иши козголгон.

Жалал-Абад шаарында жүргүзүлүп жаткан “Укук-тартип” аталышындагы ыкчам алдын алуу иш-чарасы учурунда бул кылмыш ишинин бети ачылган. ШИИБдин участкалык инспекторлору жана балдар иштери боюнча инспекциясынын кызматкерлери тарабынан кылмыш ишине шектүү катары Сузак районунун Көк-Арт айыл аймагынын тургундары 1998-ж.т. А.Ө. жана М.Н. кармалышып, убактылуу кармоочу жайга киргизилген.

Учурда тергөө амалдары жүргүзүлүп жатат.