1,206 Бардыгы /

БАТКЕН. Баткен облусуна караштуу Кызыл-Кыя шаарынын мэриясынын жана калаадагы “Суу-Канал” муниципалдык ишканасынын кызматкерлери 6 миллион евролук долбоорду жүзөгө ашырууда акча кымырышкандыгы  акыры аныкталды. Ошол себептүү “Кызмат абалынан кыянаттык менен пайдалануу” беренеси боюнча кылмыш иши дагы козголду.

УКМКнын маалыматына караганда, Кызыл-Кыя шаарынын мэриясынын жана калаадагы “Суу-Канал” муниципалдык ишканасынын кызматкерлери кызмат абалын кыянаттык менен пайдаланышкан деп айыпталууда. Анткени, Кызыл-Кыя шаарынын суу менен камсыздоо системасын жаңылоо долбооруна 2017-жылы Европа реконструкциялоо жана өнүктүрүү банкы (ЕРӨБ) тарабынан 6 миллион евро бөлүнгөн. Бул ишти жүзөгө ашырууда сапатсыз аткарылгандыгы жана иштин көлөмү дагы ашыкча баалангандыгы аныкталды.

Ушул тапта тиешелүү экспертизаларды дайындоо жана тергөө амалдарын дыкаат жүргүзүү менен келтирилген чыгымды так аныктоо жүрүп жаткандыгы айтылууда. Жогорудагы фактынын негизинде УКМКнын Баткен облусу боюнча башкармалыгы тарабынан Кылмыш-Каза Кодексинин 337-беренеси (“Кызмат абалын кыянаттык менен пайдалануу”) боюнча кылмыш иши козголду.

Алишер ТОКСОНБАЕВ, өз кабарчы