966 Бардыгы /

          ОШ. Кыргыз Республикасынын УКМКсына караштуу   Мамилекеттик Чек ара кызматынын маалымат жана коммуникация башкармалыгынын маалыматына караганда, «Ош-аэропорт» аба майданындагы көзөмөл-өткөрүүчү бекетинде Кыргыз чек  арачылары 5 миллион сомдук алтын каражаттардын чек ара аркылуу мыйзамсыз ташылып кетишине бөгөт коюшту.

          Ошентип, Чек ара көзөмөлүнүн  чек арачылары Ош-Стамбул багытында учууга далалаттанган 1978-жылы туулган Өзбекстандын жараны  Т.С. бир нерсеге түйшөлгөндүгүн аңдап калышкан. Ошондуктан, Кыргыз Республикасынын УКМКсынын аймактык кызматкерлеринин катышуусунда жүргүзүлгөн атайын иш-чаранын жүрүшүндө Т.С. учактын бортуна 848 грамм алтын каражаттарын эч кандай декларациясын алып өтүүгө аракеттенгендиги ырасталды.

          Алдын ала эсептөөлөргө караганда, кармалган алтын каражаттарынын жалпы наркы 5 миллион сом деп бааланууда. Тиешелүү докумен ттер толтурулгандан кийин Өзбекстандын жараны  Т.С. жана анын алтын каражаттары тиешелүү укук коргооо органдарына укукутукбаар берүүчү үчүн өткөрүлүп берилди.

Алишер ТОКСОНБАЕВ, өз кабарчы