1,491 Бардыгы /

БИШКЕК. Ушул жылдын 18-октябрында болжол менен саат 17:30 чамасында С.С. атуу жаран мотоскутер менен Садырбаев көчөсү менен бара жаткан учурда, капталынан белгисиз айдоочу белгисиз авто унаа менен сүзүп кеткен.
ЖКККББнын басма сөз кызматы билдиргендей, жол кырсыгынын натыйжасында мотоскутердин айдоочусу, журналист жабыркап, ооруканага жаткырылган.
Бул факты боюнча Жол кыймылынын коопсуздугун камсыздоо башкы башкармалыгынын Бишкек шаардык кайгуул кызматынын издөө бөлүмүнүн кызматкерлери  ыкчам издөө иш-аракеттерин жүргүзүп, натыйжада кылмышка шектүү  катары  “Toyota Camry”  үлгүсүндөгү авто унаанын 2004-жылы туулган Н.Э. аттуу айдоочусу кармалып, азыркы учурда Бишкек ШИИББдин тергөө кызматына  андан ары тийиштүү чара көрүү үчүн өткөрүп берүүдө.