846 Бардыгы /

ОШ. УКМК энергетика тармагындагы коррупцияны жоюу боюнча жүргүзүлүп жаткан иштердин алкагында, ошондой эле республикада электр энергиясынын жетишсиздигин эске алып, Ош облусунан өлкөбүздүн электр тармактарына олуттуу зыян келтирген майнинг-ферманын (криптовалют өндүрүшүнүн) мыйзамсыз иштерин акыры аныктап, ошондой эле ага бөгөт дагы койду.

Ошентип, ыкчам-тергөө иш-чараларынын жүрүшүндө Кара-Суу районунун Кожокелен айылынан майнинг-ферманын ишмердүүлүгү аныкталды. Аталган факт Кыргыз Республикасынын Кылмыш-Жаза Кодексинин 209-беренесинин 3-бөлүмү боюнча кылмыштардын жана жоруктардын бирдиктүү реестрине сотко чейинки өндүрүшкө катталды. Кылмыш иштин алкагында майнинг иштерин уюштуруу үчүн 650гө жакын жабдуулар табылып алынды.

Ушул тапта УКМК тарабынан аталган мыйзамсыз иш-аракеттерге тиешеси бар адамдарды аныктоо боюнча иш-чаралар кызуу улантылууда. Тергөө жараяны күчөтүлдү.

Алишер ТОКСОНБАЕВ, өз кабарчы