906 Бардыгы /

БИШКЕК. Ырчы Самара Каримова Бишкек-Ош автоунаа жолунда күтүлбөгөн кырсыкка кабылгандан кийин реанимацияда жатат. Бул жөнүндө Жалал-Абад облусунун Жол кайгуул кызматынан кабарлашты.

Расмий малыматка караганда, Бишкек-Ош автоунаа жолунда жолдошу Асан Мансуров рулду башкарып бара жатып капысынан уктап кеткендиктен, машина түптүз эле бетон парапетке – тосмого урунган. Мунун кесепетинен өмүрлүк жарынын жанында олтурган ырчы Самара Каримова катуу кырсыктады. Алдын ала медициналык экспертизанын жыйынтыгына караганда, айдоочу сергек болгон жана ал эч кандай жаракат дагы алган эмес.

Ошентип, Самара Каримова ушул тапта аймактык оорукананын жандандыруу бөлүмүндө жатат. Бейтапканада ошондой эле Бишкек шаарынын вице-мэри Жамалбек Ырсалиев баш болгон үч жүргүнчү дагы бар. Ушул тапта кырсыкты кенен-чонон териштирүү жараяны жүрүп жатат.

Алишер ТОКСОНБАЕВ, өз кабарчы