1,093 Бардыгы /

Казакстанда иштеген жүздөгөн тажикстандык жаран 10 жумадан бери казак-өзбек чек арасынан өтө албай турат.

Алардын айтымында, Тажикстандын 260тан ашык жараны чек арадагы «Жибек Жолу» бажы бекетине жакын жайгашкан автобекетте жашап жатат. Арасында аялдар, кичинекей балдар жана улгайган адамдар да бар.

«Өзбекстан чет өлкөлөрдө калган жарандарын алып кетип жатат. Тажикстан өз жарандарына кам көргөн жок. Бул жерде жуунганга, уктаганга шарт жок. Тамак-ашты жергиликтүү тургундар алып келип жатышат», — деди аты-жөнүн айткысы келбеген жарандардын бири.

2-июнда Казакстандын Тышкы иштер министрлигинин расмий өкүлү Айбек Смадияров казак тараптан тажикстандыктардын өтүп кетүүсүнө эч кандай тоскоолдук жок экенин билдирди. Анын айтымында, ушу тапта тажик өкмөтү жарандарын Өзбекстан аркылуу автобус менен алып кетүү тууралуу Ташкент менен сүйлөшүүлөрдү жүргүзүүдө.

www.